<!--[if gte mso 10]>

<![endif]-->

па выніках Форуму Беларускіх Лідараў: Пакаленне Адраджэння (Другі Кангрэс Новай Беларускай Дыяспары Эўропы і Амэрыкі) і іх сумеснай працы з прадстаўнікамі грамадзянскай супольнасці Беларусі, якія збіраліся ў горадзе Страсбурзе, Францыя 24-28 красавіка 2009 года

Мы, удзельнікі Другога Кангрэсу Новай Беларускай Дыяспары Эўропы і Амерыкі,

Памятуючы аб уключэнні Беларусі ў культурны і гістрычны эўрапейскі кантэкст,

Выступаючы за ўмацаванне і пашырэнне двухбаковага супрацоўніцтва і пераадоленне ізаляцыі беларускага грамадзтва,

Усведамляючы важнасць ініцыятывы “Ўсходняе Партнэрства” і падтрымліваючы ўдзел Беларусі ў гэтай праграме,

Прымаючы да ўвагі неабходнасць удзелу грамадзянскай супольнасці і палітычнай апазіцыі ў працэсе рэалізацыі ініцытыявы “Ўсходняе Партнэрства”,

Прымаючы да ўвагіадсутнасць прагрэсу ў правядзенні дэмакратызацыі палітычнага і грамадзкага жыцця і сферы правоў чалавела, невыкананне ўмоваў для нармалізацыі адносін, сфармуляваных Эўрапейскай Камісіяй у 2006 г.,

Упэўненыя ў неабходнасці прытрымлівацца каштоўнасных і прынцыповых пазіцыяў што да абароны правоў чалавека ў Беларусі,

Упэўненыя ў тым, что ўключэнне Беларусі ва “Ўсходняе Партнэрства” належыць інтэрпрэтаваць як знак добрай волі з боку Эўразвязу да ўсяго беларускага грамадзтва,

Лічым неабходным працягваць прынцыповы дыялёг з беларускімі ўладамі у адносінах да сферы правоў чалавека і ўзятых на сябе міжнародных абавязкаў і заклікаем урады краінаў Эўразвязу настойліва стымуляваць беларускія ўлады да выканання наступных захадаў у сферы абароны правоў чалавека, медыя і грамадзянскай супольнасці.

- Вызваленне палітычных вязняў і поўная амністыя па палітычных справах, распачатых ад 1994 з мажлівасцямі і гарантыямі бяспечнага вяртання беларусаў з выгнання,

* спіс справаў можа быць сфармуляваны Беларускім Хэльсінскім Камітэтам, праваабрончай групай «Вясна» і Камітэтам абароны рэпрэсаваных «Салідарнасць».

- Правядзенне незалежнага расследвання па справах гвалтоўна зніклых Юрыя Захаранкі, Віктара Ганчара, Анатолія Красоўскага, Змітра Завадскага.

* даклад рэпартэра Камітэту права і па правох чалавека Хрыстаса Пургурыдэса даступны па адрасе http://assembly.coe.int/Main.asp?link=/Documents/WorkingDocs/Doc04/EDOC10062.htm

- Спрошчанне візавага рэжыма для грамадзянаў Рэспублікі Беларусь: памяншэнне кошту шэнгенскай візы, спрашчэнне працэдуры аплікацыі на візу, мажлівасць аплікацыі поштай альбо праз давернаых асобаў.

- Скасаванне шэрагу палітычных артыкулаў у карным кодэксе РБ, якія парушаюць нормы міжнароднага права («дзейнасць ад імя незарэгістраванай арганізацыі», «паклёп у адносінах да прэзідэнта РБ» і інш).

* спіс артыкулаў можа быць складзены Беларускім Хэльсінксім Каміэтам, праваабарончай групай «Вясна» і Камітэтам абароны рэпрэсаваных «Салідарнасць».

- Аднаўленьне выпуску і распаўсюду ў Беларусі перыядычных выданняў, зачыненых з палітычных і ідэялягічных матываў.

* спіс перыядычных выданняў даступны ў Беларускай Асацыяцыі Журналістаў.

- Скасаванне ўнутраных абмежаванняў для беларускіх студэнтаў на ўдзел у адукацыйных праграмах і грамадзянскіх праектах у ЭЗ, спыненне ціску з боку адміністрацыі навучальных установаў і спецслужбаў.

* спіс абмежаванняў можа быць складзены Беларускім Хэльсінскім Каміэтам, праваабарончай грапай «Вясна» і Каміэтам абароны рэпрэсаваных «Салідарнасць».

- Спрошчанне акрэдытацыі замежных журналістаў у Беларусі. Ліквідацыя практыкі іх высылкі з палітычных матываў з краіны.

* рэкамендацыі можа даць Беларуская асацыяцыя журналістаў.

- Спрошчанне рэгістрацыі і зняцце перашкодаў для дзейнасці НДА ў Беларусі.

* рэкамендацыі можа даць Беларускі Хэльсінскі Камітэт і Фонд развіцця прававых тэхналёгіяў.

- Наданне Беларусі статуса спецыяльна запрошанага ў ПАРЭ з наступным уваходам у Раду Эўропы. Пашырэнне на Беларусь юрысдыкцыі Эўрапейскага Суду па правах чалавека будзе спрыяць фармаванню прававой дзяржавы, стварэнню эфектыўнага механізма абароны правоў чалавека.

- Падтрымка і далейшае развіццё дыялёгу паміж беларускай грамадзянскай супольнасцю, НДА з краінаў “Усходняе Партнэрства” і Эўразвязу, якія працуюць з Беларуссю, а таксама ініцыятывамі і арганізацыямі беларускай дыяспары ў краінах ЭЗ.

- Далейшая падтрымка і пашырэнне абсягу інфармацыйных, адукацыйных і культурных праграмаў і праектаў, якія грунтуюцца на эўрапейскіх каштоўнасцях, для Беларусі і беларусаў, якія жывуць у краінах ЭЗ.

Страсбург, 26 красавіка 2009 года

Форуму Беларускіх Лідараў: Пакаленне Адраджэння (Другі Кангрэс Новай Беларускай Дыяспары Эўропы і Амэрыкі) наконт справы ваўкавыскіх прадпрымальнікаў і грамадскіх актывістаў – Мікалая Аўтуховіча, Юрыя Лявонава, Уладзіміра Асіпенкі.

Мы, удзельнікі Другога Кангрэсу Новай Беларускай Дыяспары Эўропы і Амерыкі,просім міжнародную супольнасць, праваабарончыя арганізацыі і СМІ звярнуць пільную ўвагу на абуральныя факты парушэння правоў чалавека ў справе ваўкавыскіх прадпрымальнікаў і грамадскіх актывістаў – Мікалая Аўтуховіча, Юрыя Лявонава, Уладзіміра Асіпенкі. Мы заклікаем беларускае грамадства і міжнародную супольнасць да салідарнасці з гэтымі вязнямі.

Мы адзначаем, што з моманту затрымання да сённяшняга дня прайшло 77 дзён, і следства дадаткова працягнута да 5 траўня. Варта адзначыць, што следства гэтай справы вядзецца яшчэ з 2005 г. Мы маем сур’ёзныя падставы сцвярджаць, што гэтыя людзі пераследуюцца менавіта паводле палітычных матываў. Нагадваем, што Ю.Лявонаў і М.Аўтуховіч ўжо былі ў зняволенні (ліпень 2006 - студзень 2008) і былі прызнаныя міжнароднымі праваабарончымі арганізацыямі вязнямі сумлення.

Следства адбываецца ў рэжыме поўнай закрытасці, у адвакатаў узялі падпіску аб нярозгаласе інфармацыі. Існуе рэальная пагроза для жыцця і здароўя вязняў з прычыны таго, што ўмовы ўтрымання ў СІЗА№1 г.Мінска бесчалавечныя: перанаселенасць камераў, дрэннае харчаванне і непрымальныя санітарныя ўмовы. Гэта стварае небяспеку для Асіпенкі, Лявонава і Аўтуховіча, якія маюць сур’ёзныя праблемы са здароўем. Адзначаем, што Юры Лявонаў падчас зняволення трапіў у турэмны шпіталь, Мікалай Аўтуховіч зараз знаходзіцца ў турэмным медізалятары, дзе ўжо 11 дзён, з 16 красавіка 2009 года, трымае бестэрміновую галадоўку. Варта згадаць, што падчас мінулага зняволення, М.Аўтуховіч трымаў 74-дзённую галадоўку пратэста, у выніку чаго яго здароўе было моцна падарванае.

Мы падтрымліваем справядлівыя патрабаванні Мікалая Аўтуховіча, высунутыя ім пры абвяшчэнні галадоўкі, а менавіта: завяршыць у кароткі тэрмін расследаванне і перадаць справу ў суд альбо — змяніць меру стрымання на падпіску аб нявыездзе ці хатні арышт.

Мы заклікаем урады краінаў Рады Еўропы і міжнародныя арганізацыі звярнуцца да ўраду Рэспублікі Беларусь, да генеральнага пракурора з патрабаваннем як мага больш хуткага і адкрытага суду ці вызвалення актывістаў прадпрымальніцкага руху.

Форуму Беларускіх Лідараў: Пакаленне Адраджэння (Другі Кангрэс Новай Беларускай Дыяспары Эўропы і Амэрыкі) наконт будаўніцтва АЭС у Беларусі

Мы, удзельнікі Другога Кангрэсу новай беларускай дыяспары Эўропы і ЗША, у дзень 23-годдзя аварыі на Чарнобыльскай АЭС, выказваем занепакоенасць наступнымі пытаннямі:

Πратэстуем супраць рашэння аб будаўніцтве АЭС у Беларусі, прынятага без усялякага грамадзкага абмеркавання мэтазгоднасці такога будаўніцтва, непразрыстасці      дзейнасці ўладаў у гэтым накірунку. Мы асуджаем рэпрэсіі ўладаў супраць тых актывістаў (напрыклад, у Горадні, на Астравеччыне і іншых месцах), якія імкнуцца данесці да насельніцтва рознабаковую інфармацыю і альтэрнатыўныя погляды на перспектывы атамнай энэргетыкі ў Беларусі. Мы ўпэўненыя, што такім чынам ўлады пазбеглі сапраўднага ўдзелу грамадзкасці ў працэсе абмеркавання і прыняцця адпаведнага рашэння, што парушае прынцыпы Орхускай Канвенцыі 1998 г.

Mы заклікаем беларускія ўлады не ствараць штучныя бар'еры, якія перашкаджаюць замежным дабрачынным арганізацыям, мясцовым грамадзкім аб'яднанням у іх працы па пераадоленні наступстваў чарнобыльскай катастрофы. Мы лічым недапушчальнымі дзеючыя абмежаванні паставак медыцынскага абсталяваньня і медыкаментаў з-за мяжы для ўстановаў у пацярпелых рэгіёнах. Гэтаксама мы выступаем супраць увядзення абмежаванняў на выезд дзяцей па-за межы краіны з мэтай аздараўлення.       

Страсбург, 26 красавіка 2009 года