Гродзенская крэпасць трапіла ў спіс каштоўнасцяў Беларусі

Комплексныя гістарычныя помнікі "Гродзенская крэпасць" і "68-ы Гродзенскі ўмацаваны раён" уключаныя ў Дзяржаўны спіс гісторыка-культурных каштоўнасцяў Беларусі.

На сёння гродзенскія улады павінны высвятліць прыналежнасьць кожнага умацавання і “прывязаць” яго да населеных пунктаў. Потым мясцовыя улады цягам года мусяць усталяваць на помніках ахоўныя шыльды.

Нагадаем, што збудаванні, якія баранілі Гродна падчас І і ІІ сусветных войнаў, увойдуць у спіс турыстычных маршрутаў ужо да канца жніўня гэтага года. Плануецца, што ў бліжэйшыя гады каля бетонных муроў Гродзенскай крэпасці з’явяцца рэстарацыі і пляцоўкі для пешых, веласіпедных і аўтамаршрутаў.

Аднак не ўсе збудаванні гродзенскай фартыфікацыі стануць аб’ектам турызму. Пакуль што гродзенскія ўлады зацікавіліся толькі часткай, якая знаходзіцца недалёка ад Аўгустоўскага канала.