У Беларусі падаражэлі паслугі сувязі

Новыя тарыфы на асобныя паслугі, зацверджаныя пастановай Мінэканомікі, вышэй ранейшых на 5-25%. Гэта тычыцца электрасувязі і паштовай сувязі агульнага прызначэння, якія аказваюцца фізічным і юрыдычным асобам, паведамляе "Нацыянальная экономическая газета". 

Так, тарыф на перасыланне ўнутраных простых адпраўленняў пісьмовага допісу падвысіўся на 5% — да 210 рублёў. Кошт перасылкі ліста масай да 20 г вырас на 8,3% і каштуе 260 руб.

Перасылка бандэролі вагой да 20 г абыйдзецца грамадзяніну ў 260 рублёў, або на 8,3% даражэй, чым раней, юрыдычнай асобе давядзецца даплаціць 280 рублёў (+7,7%). За кожныя наступныя 20 г вагі ліста або бандэролі фізічныя асобы даплочваюць 50 рублёў (+25% да велічыні ранейшага тарыфу), юрасобы — 60 рублёў (+20%).