Партыя БНФ патрабуе спыніць зьдзек са школы.

18 траўня на сайце Партыі БНФ зьявіўся шэраг патрабаваньняў, якія тычацца новых "рэформаў" школьнай праграмы. Як стала вядома апошнім часам, з наступнага году са школьнай праграмы зьнікне прадмет Гісторыя Беларусі й Гісторыя Мастацтва(больш вядомая назва Сусьветная Мастацкая Культура).

Прадстаўнікі Партыі лічаць такую рэформу ганебнай для Беларускае адукацыі і выстаўляюць наступныя патрабаваньні:

- спыніць адміністрацыйнае ўмяшаньне ўлады ў адукацыю;

- да шырокага абмеркаваньня з удзелам спэцыялістаў, пэдагагічнай і бацькоўскай грамадзкасьці спыніць псэўдарэформу;

- захаваць гуманітарныя нацыянальна значныя прадметы ў сярэдняй школе.

Паводле меркаваньня партыйных дзеячоў: "Для ўратаваньня краіны ад эканамічнага крызысу неабходна не скарачаць сацыяльныя праграмы, а неадкладна праводзіць дэмакратычныя рэформы й далучацца да агульнаэўрапейскай прасторы свабоды й дабрабыту."