Збор ахвяраваньняў на памятную дошку на былой амбасадзе БНР у Таліне

Паважаныя наведвальнікі нашага сайту,

Зьвяртаемся да вас з просьбай ахвяраваць сродкі на ўсталяваньне памятнай дошкі на былой амбасадзе БНР у Таліне.

Эстонія грала адметную ролю ў гісторыі стварэньня і існаваньня БНР. Тут, у Тартускім універсітэце, вучылася частка заснавальнікаў БНР, тут змагаўся за незалежнасьць Эстоніі першы беларускі генерал Булак-Булаховіч. Эстонія была у шэрагу краін, якія прызналі БНР. І зараз Эстонія робіць шмат для дэмакратызаціі нашай краіны.

Таму ўсталяваньне памятнай дошкі у Таліне у год 90-годзя незалежнасьці Эстоніі і абвяшчэньня БНР зьяўляецца ганаровай справай для усіх сьвядомых беларусаў. Ствараецца грамадзкі камітэт з удзелам вядомых беларусаў сьвету для каардынацыі гэтай справы. Падрабязная інфармацыя будзе зьяўляцца на нашым сайце.

Вось вытрымкі з гістарычных дакументаў...

"30 кастрычніка 1920 г. Алег К.-К. Васількоўскі ўручае граматы Эстонскаму МЗС аб адчыненьні амбасады БНР у Таліне у складзе надзвычайнага амбасадара гэнерала Алега Карчак-Крыніцы Васількоўскага і двух дарадчыкаў Міколы Чарвякова і Анатоля Фаврэ.

Прыводзім урадавую падпіску Алега Карчак-Крыніцы Васількоўскага цалкам: “Я, Генерал-Лейтенант Олег Петровіч Корчак-Крыніца-Васількоускі, даю гэту падпіску, а разам з гэтым, гонарам і сумленьнем маім сьведчу, што буду шчыра і сумленна працаваць дзеля адраджэньня і узмацаваньня Беларускай Дзяржаўнасьці, буду усюды, ні сіл ні жыцьця сваіх не шкадуючы, бараніць Незалежнасьці і Непадзельнасьці Беларускай Народнай Рэспублікі; узложэныя на мяне службовыя павіннасці спауняць буду пільна і акуратна, а службовыя і дзяржаўныя сэкрэты буду захоўваць”."

Да 30 кастрычніка 2008 года мы разам павінны ўшанаваць памяць выдатных дзеячоў БНР у Эстоніі. Былая амбасада месьціцца у Старым горадзе у самым цэнтры Таліна. Зараз гэта прыватны будынак, адзін з многіх. Дошка надасць гэтаму дому адметнасьць, шмат людзей будуць бачыць яе кожны дзень.

У Эстоніі людзі ведаюць, як шанаваць гістарычную памяць, таму дошка правісіць доўгія гады, нагадваючы мільенам эстонцаў і замежным турыстам аб Беларусі і яе гістрычным мінулым.

І гэта будзе наша агульная справа!

Наконт падтрымкі нашай ідэі і па тэхнічных пытаньнях перавода сродкаў зьвяртайцеся да Паўла Марозава на паштовую скрыню pavel@3dway.org

Каб перавесці вашы ахвяраваньні, трэба зрабіць пералік грошай выкарыстоўваючы наступныя рэквізыты.

Калі вы з Эстоніі:
- рахунак №: 221035436884
- уладальнік рахунка: Valgevene Uus Tee MTÜ
- удакладненьне ці мэта плацяжу: BNR

Калі вы па-за межамі Эстоніі:
• назва атрымальніка: Valgevene Uus Tee MTÜ
• адрас; Kungla 18-16, 10411 Tallinn, Estonia
• IBAN атрымальніка у Ханзабанке (in Hansabank); EE262200221035436884
• банк атрымальніка: Hansapank, 8 Liivalaia Street, 15040 Tallinn, Estonia, SWIFT/BIC code HABAEE2X;

- удакладненьне ці мэта плацяжу: BNR

Банкі карэспандэнты Ханзабанка:
English: http://w.hansa.ee/eng/arikliendile_arv_korrespondentpangad.html  
Па-расейску: http://w.hansa.ee/rus/arikliendile_arv_korrespondentpangad.html  

Калі вы карыстальнік сыстэмы PayPal (www.paypal.com ), дасылайце ахвяраваньні на аккаунт pavel@3dway.org з паметкай BNR.

Калі па тых ці іншых прычынах такі варыянт ахвяраваньняў немагчымы, але ж вы жадаеце дапамагчы, зьвяртайцеся з запытам на pavel@3dway.org

Будынак былой амбасады БНР у Таліне