Стваральнікі мультоў пра «бацьку» адкрываюць «Народнае тэлебачаньне

10 снежня ў інтэрнэце зьявілася «Народнае тэлебачаньне». У гэты дзень у сеціве зьявіліся новыя працы стваральнікаў мульцікаў пра Лукашэнку і яго сяброў. Яны апублікаваныя на старонцы www.multclub.org  

Аўтары хочуць, каб іх праект стаў сапраўды народным. «Мы хочам адмовіцца ад старой ідэі, калі ўсе мульты рабіліся некалькімі людзьмі. Гэта стала вельмі небяспечным і таму абмяжоўвае творчасьць. Зараз мы з маім сябрам Андрэем жывем у Эстоніі, таму што у Беларусі Лукашэнка хоча пасадзіць нас ў турму. Там узбуджана крымінальная справа, і нас ловяць,» — кажа адзін з удзельнікаў праекта Павел Марозаў. — «Мы пайшлі іншым шляхам. Сабралі зборную каманду з нашых сяброў-крэатыўшчыкаў, знайшлі маладых людзей, якія малююць і робяць гук і хочам прыцяваць да гэтага працэса яшчэ больш народу, да сцэнараў, напрыклад. Так і мульты будуць больш цікавымі, і больш людзей зможа паўдзельнічаць у добрай справе. Мы хочам зрабіць сапраўды народны прадукт.»

Да стварэньня мультоў ужо далучыліся новыя людзі. Вядучы аніматар праекта расказаў пра сваю матывацыю: «Я не люблю палітыку і палітыкаў, яны, на мой погляд, вельмі непрыемныя людзі. Звычайны чалавек у нашай краіне ня можа паўплываць на іх, людзей, якіх мы нібыта выбіраем, атрымаць ад іх выбара карысьць для сябе і сваей сям'і. Таму для мяне — гэта спосаб выказаць свае думкі і пачуцьці ў адносінах да таго, як мы жывем, і да палітыкаў, якія намі кіруюць. Акрамя таго, мне падабаецца канцэпцыя праекта, наш калектыў. Прыемна мець справу з прыстойнымі і цікавымі людзьмі».

Стваральнікі «Народнага тэлебачаньня» будуць рэгулярна выпускаць новыя мульты і флэш-гульні па матывах беларускага палітычнага і грамадзскага жыцьця. Яны вераць ў патрэбнасць і своечасовасць свайго новага праекта. «Зараз у Беларусі дзіўная сітуацыя. Усе баяцца Лукашэнкі. Але сьмех – вельмі сур'езная зброя супраць дыктатуры. Сьмешнае ня можа быць страшным. А нашыя мульты заўседы сьмяшылі людзей, паказваючы, што кароль усе-такі голы! Цяпер мы выкарыстоўваем новую канцэпцыю праекта. Калі раней наша аўдыторыя магла толькі глядзець мульты і падказваць ідэі для сцэнараў, то зараз яна можа ўдзельнічаць у іх стварэньні» — адзначыў Андрэй Абозаў, яшчэ адзін удзельнік праекта.

Нагадаем, што 16 жніўня 2005 года Мінская гарадзская пракуратура ўзбудзіла крымінальную справу па факце размяшчэньня ў Інтэрнэце мульфільмаў, галоўным героем якіх зьяўляецца прэзідэнт Беларусі Аляксандр Лукашэнка. Групу грамадзянскіх актывістаў, аб'яднаных ў грамадзскую ініцыятыву «Трэці шлях», абвінавацілі паводле артыкула 367 КК РБ («паклёп у адносінах да прэзідэнта Рэспублікі Беларусь»). У кватэрах абвінавачваемых супрацоўнікамі беларускага КДБ былі праведзены вобыскі, у выніку якіх канфіскавана 14 кампутараў, дзесяткі дыскаў і іншых носьбітаў інфармацыі. За імі пачалі сачыць, ішлі допыты з боку КДБ, аказаваўся ціск на сем'і. У 2006 справа атымала працяг, маладых людзей імкнуліся затрымаць і пасадзіць, яны вымушаныя былі бегчы ў Эстонію і прасіць там палітычнага прытулку. У Беларусі іх аб'явілі ў вышук, як злачынцаў. Ім да цяперашняга дня пагражае 4 года турмы, калі іх паймаюць беларускія ўлады.