Праваабаронцы і дэмакраты абмеркавалі сытуацыю са свабодай сумленьн�

28 лістапада ва ўправе БНФ адбыўся круглы стол “Свабода сумленьня і веравызнаньня ў Беларусі”. Уступнае слова прамаўляў адзін зь лідэраў дэмакратычнага руху Аляксандар Мілінкевіч.

З дакладам “Праблемы прававога рэгуляваньня і правапрымяняльнай практыкі ў галіне права на свабоду сумленьня ў Беларусі” выступіла юрыст, праваабаронца Д.Шаўцова.

Прадстаўнік каардынацыйнага цэнтру Кампаніі ў абарону права на свабоду сумленьня ў Беларусі Сяргей Луканін зрабіў даклад “Мэтады барацьбы за свае правы”.

У дыскусіі ўзялі ўдзел прадстаўнікі розных цэркваў, рэпрэсаваных за веру: Георгі Вязоўскі (царква “Запавет Хрыста”), Антоні Бокун (царква “Ян Прадвесьнік”), а таксама дэмакратычныя актывісты Павал Севярынец, Мікалай Статкевіч, Валянціна Трыгубовіч, праваабаронцы Марыя Савушкіна, Алег Гулак.

Удзельнікі прынялі зварот да Канстытуцыйнага Суду Рэспублікі Беларусь — яны адзначаюць, што дзейны Закон “Аб свабодзе сумленьня і рэлігійных арганізацыях” і шэраг іншых нарматыўных актаў супярэчаць Канстытуцыі.

На паседжаньні круглага стала прысутнічала надзвычайны і паўнамоцны пасол ЗША ў Беларусі Карэн Ст’юарт.