Актывіст Кастусь Грахаў асуджаны на 10 сутак

Сёння, судом Цэнтральнага раёну Менску быў асуджаны да пакарання адміністрацыйным арыштам на 10 сутак, актывіст моладзі БНФ Кастусь Грахаў. Хлопец быў затрыманы ўчора, 23 верасня ў 14 гадзін 30 хвілін на вуліцы Леніна супрацоўнікамі палка міліцыі спецыяльнага прызначэння (былы АМАП). Пасля асабістага дагляду ў актывіста знайшлі каля ста нелепак "Эўрапейскі марш. Прыйшоў наш час.", гэта і стала падставай дзеля пачатку супраць хлопца адміністрацыйнай справы.
Суддзя Паўлючук Т.Е прызнала Кастуся Грахава вінаватым у "закліку да ўдзелу ў несааанкцыянаваным мерапрыемстве". Падчас суду выступілі сведкі, байцы ПМСН: Завадзкі С.Л. і Купраёнак Е.П.