Тимошенко: вопрос вступления Украины в НАТО решится на референдуме 01/31/2008 - 19:45 / bdg.by Премьер-министр Украины Юлия Тимошенко заявила, что на Украине началась открытая дискуссия о взаимоотношениях с НАТО, но вопрос вступления будет решаться только на всеукраинском референдуме, сообщает NEWSru.ua со ссылкой на телеканал Euronews. комментарии: 0
Предлагаем вашему вниманию рассылку новостей Третьего Пути с новыми обьявлениями по теме образования, интересных проектов и другой полезной информацией.
С уважением,
Третий Путь
Салігорск: прадпрымальнікі вышлі на плошчу 01/31/2008 - 02:58 / Прэс-група Партыі БНФ Учора ў Салігорску а 16-й гадзіне на цэнтральнай плошчы перад будынкам райвыканкаму сабраліся прыватныя гандляры з рынкаў гораду. Больш як 50 чалавек сталі ў ланцуг і запалілі зьнічкі. Міліцыянты фатаграфуюць іх і здымаюць на відэа. Пра гэта “Свабодзе” паведаміў Ільля Цацура – малодшы сын лідэра мясцовых прадпрымальнікаў Аляксандра Цацуры, якога ўчора суд пакараў 15 суткамі арышту.
Ільля Цацура гаворыць пра акцыю салідарнасьці індывідуальных прадпрымальнікаў: “Людзі дамовіліся сабрацца разам, каб выказаць сваю падтрымку арыштаваным напярэдадні грамадзкім актывістам Ларысе Насановіч і Аляксандру Цацуру. Стаім моўчкі, каб у міліцыянтаў не было падставаў абвінаваціць людзей у несанкцыянаваным сходзе ці мітынгу”.
Учора судзьдзя Салігорскага райсуду Аляксандар Бураўцоў пакараў грамадзкіх актывістаў Ларысу Насановіч і Аляксандра Цацуру 15 суткамі арышту. Абое абвінавачаныя ва ўдзеле ў несанкцыянаваным мітынгу прадпрымальнікаў 28 студзеня. комментарии: 0
Скутэр у Беларусі прыраўняюць да матацыкла 01/31/2008 - 02:55 / ЕРБ Міністэрства ўнутраных спраў Беларусі перадало ва ўрад дакументы, згодна з якімі скутэр будзе прыроўнены да матацыкла. Пра гэта паведаміў кіраўнік міністэрства Уладзімір Навумаў.
Навумаў растлумачыў, што згодна з гэтымі дакументамі, мець права кіраваць скутэрамі змогуць толькі тыя, хто дасягнуў 18 гадоў. Яны павінны мець права на кіраванне дадзеным транспартным сродкам, а таксама насіць шлемы.
Міністр дадаў, што "непаўналетнія будуць ездзіць на роварах" і дадаў, што ў Мінску хутка адкрыецца 30-кіламетровая веласіпедная траса. комментарии: 0
Магістраль “Брэст-Мінск” стане платнай і для беларусаў 01/31/2008 - 02:53 / ЕРБ З наступнага года цэнтральная аўтамабільная дарога краіны "Брэст-Мінск-мяжа Расіі" стане платнай для ўсіх карыстальнікаў.
Таксама мусіць павысіцца сума плацяжоў, якія цяпер збіраюцца з іншаземцаў, кіроўцаў вялікагрузнай тэхнікі і аўтобусаў. Як стала вядома Еўрарадыё, неабходнасць увядзення платы з беларусаў абумоўлена крэдытам у больш чым 430 мільярдаў рублёў, які ўзяты на рамонт дарогі.
Колькі будзе каштаваць праезд для грамадзянаў нашай краіны — пакуль невядома. Цяпер кіроўцы з замежных краінаў плацяць 2 долары за праезд легкавога аўтамабіля, кіроўцы аўтобусаў — 5, грузавых аўтамабіляў — 15.
Кіроўцы мусяць плаціць за карыстанне дарогай на кожным з 4 пунктаў збірання плацяжоў, якія месцяцца па трасе. Дарэчы, за суткі па "Алімпійке" праязджае каля 11 тысяч аўтамабіляў. комментарии: 0
Няма такога сьвята - Дзень Волі 01/31/2008 - 02:50 / Інфармацыйны цэнтр МГА «ЗБС «Бацькаўшчына» 29 студзеня Аргкамітэт па святкаванні 90‑х угодкаў БНР атрымаў адмову ад Камісіі па адукацыі, культуры, навуцы і навукова‑тэхнічнаму прагрэсу Палаты прадстаўнікоў у абвяшчэнні 2008 года Годам беларускай дзяржаўнасці. У якасці аргументаў былі прыведзены наступныя:
«Паведамляем вам, што ў Рэспубліцы Беларусь пералік дзяржаўных святаў і памятных дат вызначаных Указам Прэзідэнта Рэспублікі Беларусь ад 26 сакавіка 1998 года. 25 сакавіка — дзень прыняцца 3‑яй Устаўной граматы БНР — у гэты пералік не ўваходзіць, і на нашу думку, не можа быць у яго ўключаны».
«Абвяшчэнне БНР адбылося ў вельмі складаных і супярэчных умовах. […] Былі створаны пэўныя палітычныя структуры, якія выдавалі сябе за ўладныя органы, але, тым не менш, БНР не атрымала прызнання з боку ўладаў вядучых краін свету. Акрамя таго, большая частка тэрыторыі Беларусі была ў той час акупавана нямецкімі войскамі, таму гаварыць аб незалежнасці абвешчанай 25 сакавіка 1918 года дзяржавы не даводзіцца».
«Улічваючы вышэйзгаданае, мы не знаходзім дастатковых падстаў для прыняцця захадаў для абвяшчэння 2008 года Годам беларускай дзяржаўнасці, а таксама для правядзення на дзяржаўным узроўні іншых мерапрыемстваў, звязаных з 90‑годдзем з дня абвяшчэння БНР».
Нагадваем, што 8 студзеня адбылося пашыранае пасяджэнне сустаршыняў Агульнанацыянальнага аргкамітэту па святкаванні 90‑х угодкаў БНР. Былі прынятыя звароты да беларускага народу і органаў улады Рэспублікі Беларусь «Аб абвяшчэнні 2008 года, года 90‑га юбілею Беларускай Народнай Рэспублікі, — Годам беларускай дзяржаўнасці». Сярод прапаноў Аргкамітэту — шэраг мерапрыемстваў, накіраваных на папулярызацыю сярод насельніцтва гэтай падзеі: усталяванне памятных гістарычных шыльдаў, дапамога ў выдавецтве навукова‑публіцыстычных і мастацкіх твораў, прысвечаных гісторыі БНР, правядзенне ўрачыстых сходаў і канцэртаў і інш., вяртанне ў заканадаўчае поле і легальны грамадскі ўжытак нацыянальнай гістарычнай сімволікі і атрыбутыкі БНР, абвяшчэнне 25 сакавіка дзяржаўным святам.
Да моманту стварэння прэс‑цэнтра Агульнанацыянальнага аргкамітэту па святкаванні 90‑х угодкаў БНР з пытаннямі і прапановамі звяртайцеся: zbsb@lingvo.minsk.by, zbsb@tut.by, (029) 632‑00‑92 (Алена Макоўская), (029) 625‑83‑78 (Ніна Шыдлоўская). комментарии: 0
Паўсотні чалавек пад крымінальнай справай 01/31/2008 - 02:48 / "Наша Ніва" Расследаванне крымінальнай справы па факце правядзення несанкцыянаванай акцыі ў Мінску 10 студзеня «ідзе дастаткова паспяхова». Пра гэта 30 студзеня ў гутарцы з журналістамі паведаміў міністр унутраных спраў Беларусі Уладзімір Навумаў.
Паводле яго слоў, «дзеянням удзельнікаў лёгка даваць ацэнку», паколькі ўсё, што адбывалася, запісана сістэмай відэаназірання.
«Калі вельмі прынцыпова падысці, напэўна, да 50 маладых людзей могуць быць прыцягнутыя да крымінальнай адказнасці. Але, як заўсёды, мы стараемся ў сваёй ацэнцы даваць шанц людзям, каб яны ўсвядомілі, што ўчыненыя імі дзtянні супрацьзаконныя», — сказаў У.Навумаў.
Паводле яго слоў, падчас расследавання дадзенай крымінальнай справы будуць улічвацца ўзрост удзельнікаў акцыі і «псіхалогія натоўпу».
Нагадаем, што акцыя пратэсту 10 студзеня была арганізавана індывідуальнымі прадпрымальнікамі (ІП) у знак пратэсту супраць падпункта 1.1 указа прэзідэнта № 760, згодна з якім з 1 студзеня 2008 года ІП могуць наймаць работнікаў толькі з ліку блізкіх сваякоў. У акцыі ўзялі ўдзел больш як тры тысячы чалавек. 27 удзельнікаў былі затрыманыя міліцыяй. 22 затрыманыя былі асуджаныя на 15 сутак адміністрацыйнага арышту, адзін — на 20 сутак. комментарии: 0
Буш выступіў з апошнім штогадовым пасланьнем 01/30/2008 - 06:38 / Радыё Свабода Галоўным у пасланьні прэзыдэнта быў стан эканомікі краіны. Джордж Буш прызнаў, што эканоміка ЗША перажывае пэрыяд “няўпэўненасьці”, аднак заверыў, што ў пэрспэктыве краіну чакае эканамічны рост. Эканамічны рост Буш зьвязаў са “здольнасьцю прадаваць амэрыканскія тавары, ураджай і паслугі па ўсім сьвеце”. Ён падкрэсьліў, што “трэба рабіць усё магчымае дзеля здыманьня гандлёвых бар’ераў і павелічэньня інвэстыцыяў”.
Шмат увагі Буш надаў замежнай палітыцы ЗША, намаганьням у прасоўваньні дэмакратыі ў посткамуністычным сьвеце і некаторых вызначальных мусульманскіх краінах:
“Апошнія сем гадоў мы былі сьведкамі яркіх момантаў у гісторыі. Мы бачылі грамадзянаў Грузіі і Ўкраіны, якія адстойвалі сваё права на свабодныя і справядлівыя выбары. Мы бачылі, як народ Лібану выйшаў на вуліцы з патрабаваньнем незалежнасьці. Мы бачылі як аўганцы паўсталі супраць тыраніі Талібану і абралі сабе новага прэзыдэнта і новы парлямэнт. Мы бачылі, як шчасьлівыя іракцы сьвяткавалі свае свабодныя выбары. І гэтыя вобразы свабоды натхнялі нас”.
Джордж Буш заявіў, што Злучаныя Штаты падтрымліваюць свабоду па ўсім сьвеце “ад Кубы і Зімбабвэ да Беларусі і Бірмы”. У гэтым зьвязку ён заклікаў Кангрэс цалкам фінансаваць распрацаваную ягонай адміністрацыяй праграму замежнай дапамогі “Выклік тысячагодзьдзя”. Мэта праграмы -- умацаваньне дэмакратыі, празрыстасьці і вяршэнства закону ў разьвіваных краінах.
Прэзыдэнт адзначыў посьпехі ў стабілізацыі сытуацыі ў Іраку і заявіў, што цягам найбліжэйшых месяцаў адтуль будуць выведзеныя болей як 20 тысяч вайскоўцаў. Наступнае скарачэньне ўжо будзе залежыць ад сытуацыі і ад рэкамэндацыяў камандаваньня.
У праблеме Ірану Буш падкрэсьліў, што амэрыканцы паважаюць вялікую гісторыю іранскага народу і чакаюць таго дня, калі іранцы змогуць жыць свабодна. Прэзыдэнт зноў заклікаў кіраўніцтва Ірану спыніць працы дзеля ўзбагачэньня ўрану, які можа выкарыстоўвацца пры вытворчасьці ядзернай зброі:
“Мой заклік да лідэраў Ірану – дакажыце, што працы дзеля ўзбагачэньня ўрану спыненыя, і мы гатовы пачаць перамовы. Каб далучыцца да ўсясьветнай супольнасьці, неабходна быць адкрытым як адносна будучых ядзерных праграмаў, гэтак і да ўсяго зробленага ў гэтай галіне раней. Спыніце ціск унутры краіны. Спыніце падтрымку тэрарызму. І найперш ведайце: Амэрыка дасьць адпор усім, хто пагражае нашым вайскоўцам. Мы будзем падтрымліваць нашых саюзьнікаў, і мы будзем абараняць нашы жыцьцёва важныя інтарэсы ў Пэрсыцкай затоцы”
Дэмакраты не пагаджаюцца са зьнешняй палітыкай адміністрацыі Буша. Пазыцыю апазыцыйнай партыі ў адказ на пасланьне прэзыдэнта сёлета выказала губэрнатар штату Канзас Катлін Сэбэліюс. Сярод іншага яна заявіла, што “апошнія пяць гадоў вельмі дорага каштавалі Амэрыцы, найперш у людзкіх ахвярах і тысячах параненых, жыцьцё якіх, магчыма, зьменіцца назаўсёды...” Сэбэліюс падкрэсьліла, што зьнешняя палітыка рэспубліканцаў дадала Амэрыцы ворагаў і што трэба аднаўляць рэпутацыю краіны. комментарии: 0
Звароты беларускіх жанчын да Пуціна з Масквы перашлюць Лукашэнку 01/30/2008 - 06:33 / ЕРБ У адміністрацыю прэзідэнта Беларусі перашлюць з Масквы звароты беларускіх жанчын, якія яны дасылалі Пуціну. Жанчыны прасілі расійскага прэзідэнта пасадзейнічаць у арганізацыі сустрэчы з Аляксандрам Лукашэнкам.
Звароты былі перасланыя ў Маскву з 12 па 14 студзеня ў выглядзе сямі калектыўных тэлеграм, пад якімі падпісаліся 32 жыхаркі Мінску, Бабруйска, Барысава, Жодзіна, Мазыра, Гродна, Ліды, Пастаў, Пружан ды іншых гарадоў.
Гэта пераважна сваякі асуджаных, а таксама нязгодныя з рашэннямі судоў па сваіх грамадзянсткіх справах. Некалькі гадоў яны беспаспяхова спрабавалі патрапіць на аўдыенцыю да Лукашэнкі, аднак у пачатку студзеня атрымалі чарговую адмову.
Жанчыны спадзяваліся, што з дапамогай адміністрацыі Пуціна, яны вырашаць сваю праблему, але памыліліся комментарии: 0
